ብፁዕ አቡነ መልከጼዴቅ በተገኙበት በምሁር ኢየሱስ ገዳም የእኩለጾም (የደብረ ዘይት) ክብረ በዓል በድምቀት ተከብሮ ዋለ

በቀን 26/2013 ዓ.ም የአዲስ አበባና የጉራጌ አህጉረ ስብከት ሊቀ ጳጳስ ብፁዕ አቡነ መልከጼዴቅ፣ የአዲስ አበባ ሀገረ ስብከት የካህናት አስተዳደር ዋና ክፍል ኃላፊ መልአከ ሕይወት አባ ወልደ ኢየሱስ ሰይፈ፣ የአቃቂ ቃሊቲ ክፍለ ከተማ ቤተክህነት ዋና ሥራ አስኪያጅ ሊቀ ኅሩያን ዳዊት ታደሰ፣ የጉራጌ ሀገረ ስብከት የሥራ ኃላፊዎች፣ የገዳሙ አስተዳዳሪ መ/ር አባ ዘኢየሱስና በርካታ ምእመናን በተገኙበት ዓመታዊው የእኩለጾም (ደብረዘይት) ክብረ በዓል በምሁር ኢየሱስ ገዳም በድምቀት ተከብሮ ዋለ።
በገዳሙ ስር የተለያዩ አገልግሎቶች የሚሰጡ ሲሆን የአብነት ትምህርት፣ የአንደኛ ደረጃ ትምህርት፣ የህጻናት ማሳደጊያ ማዕከል፣ የሙዚየም አገልግሎት፣ የእደጥበብ ማምረቻና መሸጫ ይገኛሉ።
በክብረ በዓሉ ላይ በአምስት መምህራንና በ12 ዓመት ህጻን ልጅ የዕለቱ ወንጌል ተነቦና ተተርጉሞ ተብራርቷል። የበገና ዝማሬም በበዓሉ ላይ ባማረ መልኩ ቀርቧል።
ብፁዕነታቸው ዕለቱን በተመለከተ በክብረ በዓሉ ላይ ለተገኙት ምእመናን ትምህርተ ወንጌል ያስተላለፉ ሲሆን ደብረ ዘይት የአምስተኛው ሰንበት መጠሪያ ስም መሆኑን ገልጸው ዕለቱ ጌታችን መድኃኒታችን ኢየሱስ ክርስቶስ በደብረ ዘይት ተራራ ላይ ሆኖ ነገረ ምጽአቱን ያስተማረበት ስለመሆኑ አብራርተው ሁላችንም ዘወትር በንስሐ ሕይወት እየተመላለስን ዳግም ተመልሶ የሚመጣውን አምላካችንን ጌታችንን ኢየሱስ ክርስቶስን ተዘጋጅተን መጠበቅ እንደሚኖርብን አጽንዖት ሰጥተው አስተምረዋል፤ አባታዊ ምክራቸውንም አስተላልፈው።
በመጨረሻም ብፁዕነታቸው ቃለ ምዕዳን ሰጥተው የበዓሉ ፍጻሜ ሆኗል ።
ዘጋቢ መ/ር ወንድምአገኝ ደጀኔ

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *