የትንሣኤን በዓል አስመልክተው ብፁዕ አቡነ መልከጼዴቅ ያስተላለፉት መልእክት


ብፁዕ አቡነ መልከጼዴቅ የአዲስ አበባና የጉራጌ አህጉረ ስብከት ሊቀ ጳጳስ አዲሱ የሀገረ ስብከቱ አሰራርን አስመልክተው ከምኒልክ ቴሌቪዥን ጋር ያደረጉት ቀለ መጠይቅ

ብፁዕ አቡነ መልከጼዴቅ የአዲስ አበባና የጉራጌ አህጉረ ስብከት ሊቀ ጳጳስ አዲሱ የሀገረ ስብከቱ አሰራርን አስመልክተው ከምኒልክ ቴሌቪዥን ጋር ያደረጉትን ቀለ መጠይቅ ይመልከቱ ሌሎችም እንዲያዩት በፌስ ቡክ፣ በቴሌግራም፣ በዩቲዩብ….. ሼር ያድርጉ!!!

ብፁዕ አቡነ መልከጼዴቅ የአዲስ አበባና የጉራጌ አህጉረ ስብከት ሊቀ ጳጳስ የዐብይ ጾም መግቢያን አስመልክተው ያስተላለፉት አባታዊ መልእክት

መልካም አስተዳደር ለቤተክርስቲያን አገልግሎትና ልማት በሚል ርዕስ በሊ/ት በድሉ አሰፋ ዓለማየሁ በሀገረ ስብከቱ በተዘጋጀው የሰበካ መንፈሳዊ ጉባኤ በተካደው ጉባኤ ላይ ተሳታፊዎች የቀረበ ጥናታዊ ጽሑፍ

መ/ር አካለወልድ ተሰማ የአ/አ/ሀ/ስ/ ዋና ስራ አስኪያጅ የከተራ እና ጥምቀት በዓል በዓለም ምን እንደሚመስል ሃይማኖታዊ እንድምታ እና ሥርዓቱ ምንድን ነው ? በሚል ርዕስ የሰጡትን ማብራሪያ ይከታተሉ

የአዲስ አበባ ሀገረ ስብከት ሥራ አስኪያጅ እና ዋና ጸሐፊን ለመሾም የወጣ ማስታወቂያ

ክፍት የሥራ ቦታ ማስታወቅያ

በኢትዮጵያ ኦርቶዶክስ ተዋህዶ ቤተ ክርስቲያን የአዲስ አበባ ሀገረ ስብከት ጽ/ቤት ከዚህ በታች በተጠቀሱት ክፍት የሥራ መደቦች ላይ አመልካቾችን አወዳድሮ በቋሚነት ለመቅጠር ይፈልጋል፡፡

ተ.ቁ የሥራ መደቡ መጠሪያ በዛት ፆታ ደሞወዝ ተፈላጊ የትምህርት ደረጃና የሥራ ልምድ
2 ሪከርድና ማህድር /ዶክሜንቴሽንና ዳታ ቤዝ ሰራተኛ 1 ሴት በስምምነት ከታወቀ ዩኒቨርስቲ/ኮሌጅ በአይቲ፤በላይብረሪ ሳይንስ፤በሴክሬታሪ፤እና በተዛማጅ መስክ በዲፕሎማ /በቴክኒክና ሙያ በሌብል 4/ የተመረቀች፤በፀሐፊት ሥራ 4 ዓመት የሥራ ልምድ ያላት እና በዘመናዊ የሪከርድና ማህደር አያያዝ ሥርዓት ዕውቀት ያላት፤
2 ኮምፒዩተር ፀሐፊና መጽሔት ዲዛይነር 1 ሴት በስምምነት ከታወቀ ዩኒቨርስቲ/ኮሌጅ በአይቲ/ሴክሬታሪ እና በተዛማጅ መስክ በዲፕሎማ /በቴክኒክና ሙያ በሌብል 4 /የተመረቀችና በፀሐፊትና መጽሔት ዲዛይን ሥራ 4 ዓመት የሥራ ልምድ ያላት ሆኖ የቪድዮ ኤዲቲንግ ሙያ ያላት፤
3 ኮምፒዩትር ፀሐፊ 1 ሴት በስምምነት ከታወቀ ዩኒቨርስቲ/ኮሌጅ በአይቲ፤በሴክሬታሪ እና በተዛማጅ መስክ በዲፕሎማ/በቴክኒክና ሙያ ደረጃ በሌብል 4 /የተመረቀችና በሙያው 4 ዓመት የሥራ ልምድ ያላት፤

ከላይ ለሥራ መደቡ የተጠቀሰውን መስፈርት የምታሟሉ አመልከቾች ይህ ማስታወቂያ ከወጣበት ቀን ጀምሮ ባሉት 7 ተከታታይ የሥራ ቀናት የትምህርትና የሥራ ልምድ ማስረጃዎቻችሁን ዋናውንና የማይመለሰውን ፎቶ ኮፒ በመያዝ በሀገረ ስብከቱ ዋና ፀሐፊ ቢሮ ቁጥር 217 በመቅረብ አስፈላጊውን ማስረጃና ሲቪ በመያዝ መመዝገብ የምትችሉ መሆኑን እንገልፃለን፡፡

ማሳሰቢያ
ፈተና የሚሰጥበት ቀን፡- መጋቢት 21/2010 ዓ.ም ከጧቱ 3፡00 ሰዓት በሀገረ ስብከቱ ኮምፒዩተር ማእከል፤
አድራሻ፡- 4 ኪሎ ከብርሃንና ሰላም ማተሚያ ድርጅት ጀርባ፤
ስልክ ቁጥር፡-011 1 56 32 88/0911 12 68 14

ለእድገትእንነሣ

እድገት ከታች የሚጀምር ሆኖ ወደ ከፍታ የሚምዘገዘግ ተፈጥሯዊ ሂደት ነው፡፡ እድገት ዝም ብሎ አልጋ በአልጋ የሚመጣ የምኞት ውጤት ሳይሆን የዕውቀት፣ የጉልበት፣ የጊዜና የሕይወት መስዋትነትን የሚያስከፍል የተጋድሎ ውጤት ነው፡፡ በእያንዳንዱ ክንውን ውስጥ እድገትም ሆነ ተቃራኒ ጉዞውን አመላካች የሆኑ ክስተቶች የግድ ይኖራሉ፡፡ እድገት በተለያየ ሁኔታና መልክ የሚገልጽ ቢሆንም መንፈሳዊ እድገት፣ አዕምሯዊ እድገት፣ አካላዊ እድገትና ልማታዊ እድገት ዋና ዋናዎቹ ናቸው፡፡ እድገት መለወጥ ነው፡፡ ለውጥ በሚያስፈልጋቸው ነገሮች ላይ የተለወጠ ማንነት የተለወጠ አመለካከትና አስተሳሰብ እንዲሁም የተለወጠ የአሰራር እንቅስቃሴ ልንመለከት ይገባል፡፡ የሰው ልጅ ከዘመኑ ጋር የሚሄድና ጊዜውን የዋጀ የአመለካከትና የአስተሳሰብ እድገት ካላስመዘገበ የጉዞውን ትክክለኛነት መፈተሽ ይገባዋል፡፡

እድገት በአንድ አቅጣጫ የሚለጠጥ በሌላኛው ደግሞ የሚሟሽሽ ክፍለ እንቅስቃሴ ሳይሆን ሁሉንም የእድገት ለውጦች ያካተተ ሁለንተናዊ ለውጥ ነው፡፡ መወለድ እስካልቆመ ድረስ ተፈጥሯዊና መንፈሳዊ እድገት እንዳለ ሁሉ ለአንድ መሰረታዊ ዓላማ ይዞ የተመሰረተ ማንኛውም ተቋም በተቀመጠለት የእድገት ፍጥነትና እርከን የተቋሙን እሴት፣ የተቋሙን ዓላማና ራዕይ ጠብቆ የመንቀሳቀስና የማደግ፣ የአሰራር መመሪያዎችንና ደንቦችን የማውጣትና የማስፈጸም፣ ሕብረተሰቡን የማገልግል፣ የዘመኑን አስተሳሰብና አመለካከት በማጥናት ከዘመኑ ጋር የሚራመድ ተቋማዊ አስተሳሰብና ሰላም የማስፈን፣ ለእድገታዊ ለውጥ መነሳትና አመርቂ የሚባል ውጤት ማስመዝገብ የግድ ይሆንበታል፡፡ ምክንያቱም መሰረታዊ ዓላማና የተቀመጠ ራዕይ የሚለካ እሴትና የአሰራር መመሪያዎች የሌሉት ብሎም እድገት የሚያስመዘግብ ተቋም እጣ ፋንታው ሰራተኞችን መበተን ወደ መቃብርም መውረድ ይሆናልና ነው፡፡ እድገት በፍላጎት ላይ የተመሰረተ የመነቃቃት፣ የመነሳሳትና የመለወጥ እንዲሁም ክፍተቶችንና አሰራሮችን የመፈተሽ፣ በሚያዋጡ አሰራሮች የመቀየር የአመራር ብቃታዊ ውጤት ሲሆን እድገቱም ዘርፈ ብዙ ደግሞም ሁለንተናዊ ነው፡፡ ተፈጥሯዊም ሆነ መንፈሳዊ እድገት የደረሰበትን የእድገት ጣሪያ የሚለካባቸው መስፈሪያዎች እንዳሉ ሁሉ የአንድ ተቋም ልማታዊ እድገትና ያመጣው ለውጥ የሚፈተሽበት የራሱ የሆነና የተቀመጠ መርሃዊ መስፈርት አለው፡፡ ከዚህ የመለኪያ መስፈርት ሞልቶና ተርፎ ከተገኘ ትርፍማነቱን ሲያመላክት ከጎደለ ግን በኪሳራ ውስጥ ያለ፣ራሱን መፈተሽ የሚገባው ካልተሳካም የመቃብር አፈሩን በራሱ ላይ የበተነ መሆኑ የተረጋገጠ ነው፡፡

የኢ/ኦ/ቤ/ክያን ቀደምት ከሚባሉ አብያተ ክርስቲያናት መካከል አንዷ እንደመሆኗ መጠን ለሀገራችን ኢትዮጵያ ብሎም ለግዙፉ ዓለማችን ያበረከተችው አስተዋጽዖ የትየለሌ ነው፡፡ ከሰዎች አስተሳሰብና የአመለካከት እድገታዊ ለውጥ ጀምሮ እስከ ሥነ-ጥበብ እና ሥነ-ፅሁፍ እድገት ድረስ የተመዘገበው ሁሉ በቤተክርስቲያናችን ያላሰለሰ ጥረት መሆኑን ኢትዮጵያዊ ሁሉ የሚመሰክረው ሃቅ ነው፡፡ በሀገር ደረጃ ከተዋቀሩ የቤተ-ክርስቲያናችን መምሪያዎች መካከል አንዱና ዋንኛው የቅዱስ ፓትርያርኩ ልዩ ሀገረ ስብከት የሆነው የአዲስ አበባ ሃገረ ስብከት ነው፡፡

አዲስ አበባ ሃ/ስብከት ከአሁን በፊት ያስመዘገባቸው በርካታ ዕድገት ቢኖሩትም አሁን ደግሞ ለእድገት መሰናክል የሆኑበትን አሰራሮችና ክፍተቶች ጊዜ ወስዶ በመመርመርና በማጤን የእድገት ግብዓት የሚሆኑ አዳዲስ አስራሮችንና አመለካከቶችን በሥራ ላይ ለማዋል በሂደት ላይ ይገኛል፡፡ ከእነዚህም መካከል የእቅም ግንባታ ስልጠናዎችን በመስጠትና የሚማሩበትን የትምህርት እድል በማመቻቸት የሰው ኃይሉን ማጠናከር፣ የጡረታ ሪከርድ ክፍል በመክፈትና በአዲስ የሰው ኃይል የመመሰረት፤ የወንጌሉን የድምፅ ከፍታ ለመጨመር በአዲስ መልኩ የተዋቀረውን የሚዲያ ክፍል በመጠቀም ተከታታይ የሆኑና ዓምዳቸውን ጠብቀው የሚሄዱ ትምህርቶችን፣ ወቅታዊ የቤ/ክያናችን ጉዳዮችንና የመፍትሔ አቅጣጫዎችን፣ መንፈሳዊ ወጐችንና መጣጥፎች በማካተት በመንፈሳዊ ጋዜጣ መጽሔት በርካታ የሆኑ ተከታዮች ባሉት ድህረ-ገፅም ጭምር በማዘጋጀት ለሕዝበ ክርስቲያኑ እንዲሰራጭም በማድረግ፣ የቤተክርስቲያናችን የህልውና መሰረት ስብከተ ወንጌል ስለሆነ ሀ/ስብከቱ አደግድጎና ወገቡን ታጥቶ ከቅዱስ አባታችን መመሪያን በመቀበል ከሚመለከታቸው ባለድርሻ አካላት ጋር በመሆን እና በመተባበር አብሮ በመስራት የአንድነት ጉባኤዎችን፣ ልዩ የወንጌል መርሐ ግብሮችን በራሱ በማዘጋጀት እና እንዲዘጋጁ በማድረግ የዕድገት ጎዳናውን ጥርጊያ ለማሳየትና የአንባሳውን ድርሻ ለመውሰድ ዝግጅቱን ጨርሶ “ኑ ለእድገት እንነሳ” የሚለውን መሪ ቃል በማሰማት ላይ ይገኛል፡፡

በመሆኑም ለእድገት እንነሳ ስንል የሀገረ ስብከታችንን ብሎም የቤተክርስቲያናችንን ሉዓላዊነትና ክብር ለማስጠበቅና ሁለንተናዊ እድገቷን ለማፋጠን በጋራ እንስራ፣ እንወያይ፣ እንተባበር ድርሻችንን እንወቅ ማለታችን እንደሆነ ተረድተን በሀገረ ስብከታችንና በክ/ከተማ ጽ/ቤት ያላችሁ የሥራ ባልደረቦች፣ በአዲስ አበባ አድባራትና ገዳማት የምታገለግሉ አስተዳዳሪዎች፣ ሰባክያነ ወንጌል፣ አገልጋይ ካህናትና የሰ/ት/ቤት ወጣቶች እንዲሁም የእግዚአብሔር ቤተሰቦች በእድገት እንንነሳ የሚለውን የሀገረ ስብከቱን ጥሪ ሰምታችሁ ቤተክርስቲያናችንን ሁለንተናዊ በሆነ መልኩ እንድናሳድጋትና በከፍታ ማማ ላይ ከፍ ብላ እንድትታይ የበኩላችንን እንወጣ፡፡ የቅዱስ አባታችን ፀሎት አይለየን!!

ወስብሐት ለእግዚአብሔር